Гугл интернет компаниясы жок болуп бараткан тилдерди сактап калуу ишине салым кошууну чечти. Гугл илимпоз-тилчилер менен биргеликте жок болуп кетүү коркунучуна туш болгон тилдерди коргоону көздөгөн интернет-порталын түзмөкчү. Анда жок болуп кетиши мүмкүн деген диалекттер тууралуу маалымат алып, же тескерисинче ал тилдер тууралуу аудио, видео же башка материалдар менен бөлүшсө болот. Айрым маалыматтарга караганда, XXI кылымдын соңуна дейре азыркы 7 миң тилдин жарымы гана “тирүү” калат.
