Бүгүн Бишкектеги “Диалог” маданият үйүндө “Сен Кудайдайсың, а мен – чаң соргучтай, бирок сен Кудай, мен чаң соргуч эмесмин” деген аталышта иш-чара өткөнү жатат. Анда үй-бүлөлүк зордук-зомбулук, ала качуу, патриархалдык бийлик тууралуу ролик, мультфильм, спектакль көрсөтүлөт. Бул тууралуу “Азаттыкка” уюштуруучулардын бири, “705 чыгармачыл топтун” мүчөсү Марат Раимкулов кабарлады. Иш-чаранын максаты – элдин көңүлүн коомдогу маселелерге буруу болуп эсептелет. (КЕ)
