Алматыдан Тамчыга жаңы учак каттай баштады

Бүгүн эртең менен Алматыдан Ысык-Көлдөгү Тамчы айылына алгачкы жолу Як-42 орто магистралдык учагы келип конду. Учак менен көпчүлүгүн туристтер түзгөн 102 жүргүнчү келди. Бул каттам ЮСАИД жергиликтүү өнүгүү боюнча программасынын колдоосу жана казакстандык “Скат” аба компаниясынын көмөгү менен ачылды.

Былтыр 48 орундуу Ан-24 үлгүсүндөгү учак Алматы-Тамчы каттамы боюнча уча баштаган эле. (MiT/KKs)