Бириккен улуттар уюму, Орусия жана Кошмо Штаттары жактаган тынчтык планын Сириялык оппозиция четке какса да, НАТО дүйшөмбүдө Сириядагы жаңжалды "саясий жолдор" менен чечүү ниетин кайра билдирди. НАТОнун жетекчиси Андерс Фог Расмуссен Сириядагы кырдаал бүткүл аймактагы коопсуздукка коркунуч келтирип жаткандыгын белгилеп, бирок НАТО ага курал менен кийлигишпейт деп ишендирди. Орусиянын тышкы иштер министри бул күнү сириялык эки оппозициячыл уюм менен ушул айдын этегинде саясий өткөөл планын талкуулай тургандыгын жарыялаган.
