Краснодар крайындагы кырсыкта көз жумгандардын катарында 10 жаштагы бир бала да болгону айтылууда. Негизинен жаратылыш кырсыгынан Крым району катуу жабыркаган. Ал жерде 42 адам көз жумду. Жалпысынан 13 миңдей үйдү суу каптады, жолдорду жууп, байланыш үзүлгөнү маалым болду. Айрым жерлерде түрдүү кырсыктардын алдын алыш үчүн жергиликтүү бийликтер атайылап электр энергиясын өчүрүп салышкан. Орус бийликтери учурда адамдарды башка жактарга көчүрүү иштери жүрүп жатканын айтышты.
