Москванын шаардык соту дүйшөмбүдө президент Владимир Путин өкмөт башында турганда ага каршы чиркөөдө ырдап чыккандан кийин кармалган Надежда Толоконникова, Мария Алехина, Екатерина Самуцевич 24-июлга чейин тергөө камагында кармалсын деген бүтүм чыгарды. Үчөө балдарыбыз бар деп, абактан бошотууну суранып жатышкан. Панк-рок тобунун мүчөлөрү бейбаштык боюнча айып менен жети жылга чейинки мөөнөткө эркинен ажыратылышы мүмкүн. Алардын тагдырына камтама болгондор Орусияда жана башка өлкөлөрдө нааразылык акцияларын өткөрүп келатышат.
