Дүйнөдөгү эң бай адамдар 2010-жылы 21 триллион долларды оффшордук аймактарга жашырып коюшкан. Мындай маалымат “Салыктарды адилет төлөө” уюмунун демилгеси менен жүргүзүлгөн отчетто келтирилет. Бул сумма Жапония менен АКШнын ички дүң продуктусуна барабар. Маалымат ар кыл булактардан, анын ичинде Эл аралык валюта фондунан, Эл аралык эсептер банкынан, Дүйнөлүк банктан жана өкмөттөрдөн алынган. Отчеттун автору Жэймс Хенри банктарга салынган финансы жана инвестицияларды гана эсептеп чыккан.
