Лондон олимпиадасынын уюштуруу комитети пайдаланылбаган билеттерди чогултуп, кайра сатыкка чыгарат. Комиттетин басма сөз өкүлүнүн маалымдашынча, дүйшөмбү күнү интернет аркылуу түрдүү мелдештерге 3 миң билет сатылган. Ошондой эле кээ бир мелдештерде орундар бош калып жаткандыктан, аккредитация болгон орундуктар 15 процентке кыскартылган. Жаңы сатыкка чыккан билеттерди лондондуктар гана сатып ала алат.
Уюштуруучулар мелдештерге келбей, орундуктар ээсиз калганы үчүн аккредитациядан өткөн спорт чиновниктерин жана маалымат каражаттарынын өкүлдөрүн күнөөлөштү.
Уюштуруучулар мелдештерге келбей, орундуктар ээсиз калганы үчүн аккредитациядан өткөн спорт чиновниктерин жана маалымат каражаттарынын өкүлдөрүн күнөөлөштү.
