Бишкектен Ысык-Көл тарапка кетчү унаа жолдо эки күндө сегиз адамдын өмүрү кыйылды. Дагы алты адам ооруканада. Бул тууралуу ИИМдин Жол коопсуздугу боюнча башкы башкармалыгы бүгүн тараткан билдирүүдө айтылат.
2-августта Ново-Покровка айылында эки адам набыт кетип, дагы экөө жараат алган. Ошол эле күнү Токмоктун тушунда беш адам мерт кетип, төртөө ооруканага түшкөн. 3-августта да ошол эле жакта бир адам унаа кырсыгында набыт болду.
Көлгө эс алганы баргандардын көбү унаа жолдо жүрүү кооптуу болуп калганын айтууда. Себеби мурдагыдай жол коопсуздугун көзөмөлдөгөн милиция кызматкерлерин - МАИчилерди өкмөт алып салып, айдоочулардын көбү жолдо жүрүү эрежелерин одоно бузуп жатат.
2-августта мекендештер форумунда сүйлөгөн сөзүндө премьер-министр Өмүрбек Бабанов Бишкек - Ысык-Көл унаа жолунда бир да МАИчи жок экенин, 31-августтан тарта Бишкекте да бул кызмат жок кылынаарын жетишкендик катары айткан. Өкмөт мындай жол менен көлгө көбүрөөк турист тартуу жана МАИдеги коррупцияны жоюу максатын көздөп жатканын билдирип келет. (RK)
2-августта Ново-Покровка айылында эки адам набыт кетип, дагы экөө жараат алган. Ошол эле күнү Токмоктун тушунда беш адам мерт кетип, төртөө ооруканага түшкөн. 3-августта да ошол эле жакта бир адам унаа кырсыгында набыт болду.
Көлгө эс алганы баргандардын көбү унаа жолдо жүрүү кооптуу болуп калганын айтууда. Себеби мурдагыдай жол коопсуздугун көзөмөлдөгөн милиция кызматкерлерин - МАИчилерди өкмөт алып салып, айдоочулардын көбү жолдо жүрүү эрежелерин одоно бузуп жатат.
2-августта мекендештер форумунда сүйлөгөн сөзүндө премьер-министр Өмүрбек Бабанов Бишкек - Ысык-Көл унаа жолунда бир да МАИчи жок экенин, 31-августтан тарта Бишкекте да бул кызмат жок кылынаарын жетишкендик катары айткан. Өкмөт мындай жол менен көлгө көбүрөөк турист тартуу жана МАИдеги коррупцияны жоюу максатын көздөп жатканын билдирип келет. (RK)
