Ооган армиясынын униформасын кийген эки куралчан адам америкалык жоокерди атып кетишти. Бул тууралуу НАТОнун командачылыгынан маалымдашты. Коалициянын билдирүүсүндө окуя иликтенип жатканы айтылат. Кол салуу үчүн жоопкерчиликти "Талибан" кыймылы өзүнө алды. Ошол эле күнү НАТОнун дагы эки аскери окко учту, бирок алардын улуту тууралуу маалымат чыга элек. Ар кандай чабуулдардан быйыл эл аралык коалициянын 25тен көп жоокери мерт кетти.
