Кыргызстан Лондон олимпиадасында олжосуз калды

Лондон олимпиадасынын акыркы күнүндө эркин күрөш боюнча таймашка чыккан кыргызстандык Магомед Мусаев чейрек финалда ирандык атаандашына утулуп калды. Натыйжада Кыргызстан Лондон олимпиадасындагы медалга болгон соңку мүмкүнчүлүгүнөн кол жууду. Олимпиадага баш аягы 14 кыргызстандык спортчу катышты. Кыргыз делегациясы бүгүн Лондондон Бишкекке сапар алышмакчы.

Олимпиаданы коңшу Казакстан 7 алтын 1 күмүш 5 коло менен жыйынтыктады. Өзбекстан 1 алтын 3 коло медал утту. Тажикстан болсо 1 коло медалга ээ болду. (KKs)