Линктер

ишемби, 10-декабрь, 2016 Бишкек убактысы 02:00

«Ата Мекен» кайрадан кезексиз жыйын өткөрөт


Жогорку Кеңештеги «Ата Мекен» фракциясы өкмөттүн маселеси боюнча бүгүн да кезексиз жыйынга чогулат. Депутат Асия Сасыкбаеванын «Азаттыкка» билдиришинче, бүгүнкү жыйында өкмөттүн тоо-кен жана социалдык тармактардагы иши талкууга алынат.

- Негизи биз өкмөттү кетиребиз деп демилге көтөрбөдүк беле. Ошону фактылар менен далилдеп берели деп жатабыз. Эмнелер, эмне үчүн ишке ашпай жатат деген суроолорду бериш керек болуп жатат, - деди Асия Сасыкбаева.

«Ата Мекен» жана «Ар-намыс» фракциялары дүйшөмбү күнкү кезексиз жыйындарында өкмөткө ишеним көрсөтпөө маселесин колдогон. Кечээ «Республика» фрациясынын депуаттары жыйынга чогулуп, өкмөт башчы Өмүрбек Бабановго коюлуп жаткан дооматтарды негизсиз деп сыпаттаган. (KKs)

Азаттык Фейсбукта

XS
SM
MD
LG