Бүгүн Бишкекте кыргыз-казак инвестициялык корунун ачылышы болот. Казакстандын Кыргызстандагы элчиси Бейбит Исабаев билдиргендей, казак өкмөтү инвестициялык корго 30 миллион доллар которуу боюнча чечим кабыл алды. Негизги капиталы 100 миллион доллардан ашкан инвестициялык корду түзүү чечимин эки өлкөнүн өкмөттөрү кабыл алган. Кордун каражаттары Кыргызстандын бюджетинин тартыштыгын жоюуга эмес, бизнес долбоорлорду каржылоого жумшалмакчы. (KKs)
