Бүгүн мамлекет башчы Алмазбек Атамбаевдин буйругу менен президенттин алдында Сот реформасы боюнча кеңеш түзүлдү. Бул тууралуу президенттин басма сөз кызматынан кабарлашты. Кыргызстандагы сот реформасын жүргүзүүдө мамлекеттик мекемелердин карым-катнашын жакшыртып, реформаны тездетүүнү көздөгөн бул кеңешти мамлекет башчы өзү жетектейт. Кеңешке президент аппаратынын жетекчисинин милдетин аткаруучу Данияр Нарымбаев, парламенттеги фракция лидерлери, Жогорку Соттун төрагасы Феруза Жамашева, башкы прокурор Аида Салянова баштаган 23 бийлик өкүлү, министрлер мүчө болушту. (KKs)
