Ажылык сапар 2-октябрда башталат

2-октябрда кыргызстандык зыяратчылардын алгачкы бөлүгү Сауд Арабиясына учуп кетишет. Муфтийдин милдетин аткаруучу Рахматулла ажы Эгембердиев бүгүн маалымат жыйынында билдиргендей, быйыл ажылык сапардын баасы жүз долларга арзандап, 1250 долларды түздү. Зыяратчыларды Кыргызстандан алты дарыгер коштоп бармакчы. Азыр Сауд Арабиясында зыяратчылар үчүн мейманканалар даярдалды.

Быйыл Сауд Арабиясы Кыргызстанга 4500 орун бөлгөн. (ZB/KKs)