“Бир дүйнө - Кыргызстан" кино фестивалы жыйынтыкталат

24-сентябрда Бишкекте башталган “Бир дүйнө - Кыргызстан" кино фестивалы бүгүн жыйынтыкталат. Кечинде жеңүүчүлөр аныкталып, сыйлыктар тапшырылат.

Алтынчы ирет өтүп жаткан быйылкы фестивалда Австрия, АКШ, Британия, Бразилия, Голландия, КМШ өлкөлөрү баш болгон дүйнөнүн 12 өлкөсүнөн 32 тасма катышты. Бул тасмалар аялдар жана балдар укуктары, коррупция, экологиялык коопсуздук көйгөйлөрүнө арналган.

Эми фестиваль 2-октябрдан тарта Кыргызстандын башка аймактарында, 17-октябрдан баштап андан ары Тажикстанда уланат. (BkA)