1-октябрда Кыргызстандагы бир катар журналисттер парламенттин алдында сөз эркиндигин жана маалымат алуу укугун коргоо боюнча нааразылык акциясына чыгат. Иш-чаранын уюштуруучуларынын бири “МК-Азия” гезитинин башкы редактору Улугбек Бабакуловдун билдиришинче, пикет уюштурууга айрым депутаттардын журналисттердин ишине тоскоолдук кылганы түрткү болду. Ал бул жумада Жогорку Кеңештеги “Ата Мекен” фракциясынын жыйынына НТС телеканалынын журналисттери кирбей калганын жүйөө кармап жатат. (KKs)
