Жогорку Кеңештеги көпчүлүк коалициянын атайын кеңешинин жыйыны жабык өтүүдө. Бул маалыматты “Азаттыкка” парламенттин басма сөз кызматы тастыктады. Ага коалицияга кирген КСДП, “Ар-намыс” жана “Ата Мекен” фракцияларынын лидерлери менен айрым депутаттары катышууда. Буга чейин коалициялык көпчүлүктүн жыйын ачык өтөрүн, анда парламенттеги комитеттердин түзүмү талкууланарын коалиция лидери Феликс Куловго шилтеме кылып айрым маалымат каражаттары жазып чыккан. (KKs)
