Президент Обаманын шайлоо өнөктүгүн уюштуруучу команда Обаманын кайра шайланышы үчүн зарыл болгон иш-аракеттерге сентябрь айында 181 миллион доллар чогултту. Президенттик шайлоо кампаниясында талапкерлер Обама менен республикачы Мит Ромни буга чейин мындай чекке жеткен эмес. Өнөктүктүн өкүлдөрү билдиргендей, донорлордун 98 пайызы 250 доллардан же андан аз суммадан акча беришти. Ромнинин өнөктүгү жана Республикачыл партия сентябрь боюнча али маалымат бере элек.
