Линктер

logo-print
дүйшөмбү, 5-декабрь, 2016 Бишкек убактысы 23:10

Дүйнө АКШга көңүл айтууда


Сэнди-хук мектебинде каза тапкандардын туугандары.

Сэнди-хук мектебинде каза тапкандардын туугандары.

Дүйнө өлкөлөрү АКШда башталгыч мектептеги ок атуудан 26 кишинин, анын ичинде 20 жаш баланын каза табышына байланыштуу көңүл айтып жатышат.

АКШ элине көңүл айтууларын БУУнун башкатчысы Пан Ги Мун, Жапония, Канада, Британия, Австралия премьер-минисрлери, Франция президенти Франсуа Оланд, ооган президенти Хамид Карзай, Европа дипломатиясынын башчысы Кэтрин Эштон, Еврокомиссиянын президенти Жозе Мануэл Баррозо билдиришти.

Трагедиялуу окуя жума күнү Коннектикут штатынын Ньютаун шаарындагы Сэнди-хук башталгыч мектебинде болду.

Президент Барак Обама Ак үйдөн сүйлөгөн кезинде мектеп окуучулары менен мугалимдердин киши колдуу болушун “жүрөк айрылткан” окуя деп атап:

Президент Обама сүйлөп жатып, көзүнө жаш алган.

Президент Обама сүйлөп жатып, көзүнө жаш алган.

- Мамлекет катары биз мындайды көп жолу баштан кечирдик. Ньютаундагы башталгыч мектеп, Орегондогу соода борбор, Висконсиндеги храм, же Аурора кинотеатры ( Колорадо штаты) же Чикагодогу көчөнүн бурчу болобу, булардын баары биздин райондор, булардын баары биздин балдар. Биз саясатка карабай, мындай трагедияларды алдын алуучу маңыздуу чара көрүш үчүн биригебиз.

Башталгыч мектептеги массалык кыргын ушундай мүнөздөгү быйылкы инциденттердин эң оору болду.

Буга чейин Коларадо штатындагы театрда ок атылганда 12 адам, ага чейин Висконсиндеги храмда 6 киши каза тапкан.

Полиция мектепте ок чыгарган кишини 20 жаштагы Адам Ланза деп атады. Ал мектепке келгенге чейин өз үйүндө энесин атып өлтүргөн. Маалыматтарга караганда, мектептеги кыргындан кийин өз жанын өзү кыйган. (UE)

Азаттык Фейсбукта

XS
SM
MD
LG