Президент аппаратынын маалымат кызматы билдиргендей, Москва мамлекеттик университетинин Азия жана Африка өлкөлөрү институтунда “Манас” эпосу – дүйнөлүк эпикалык маданияттын эстелиги" деген аталыштагы эл аралык илимий-практикалык конференцияда бүгүн президент Алмазбек Атамбаев баяндама менен чыгып сүйлөдү.
Президент өз сөзүндө “Манас” эпосунун кыргыз элинин турмушундагы маани-маңызына токтолду.
Кыргыз мамлекет башчы конференция Кыргызстан менен Орусиянын тыгыз кызматташтыгына салым кошооруна ишеним билдирди.
Конференцияга 100дөн ашуун, анын ичинде Орусия, Украина, Азербайжан, Түркия, Кыргызстандын илмпоздору жыйналган. Ага Орусиядагы кыргыз диаспорасынын өкүлдөрү да катышууда. (UE)
