Линктер

жекшемби, 11-декабрь, 2016 Бишкек убактысы 10:33

Аба ырайы: шашылыш эскертүү


Кыргызстанда 19-20-декабрь күндөрү жааган карга байланыштуу Бишкек – Ош (121-137 жана 198-265-чакырым), Каракол – Эңилчек (45-90-чакырым), Мырзаке – Кара-Кулжа – Алайкуу (45-90, 145-150-чакырым ), Ала-Бука – Каныш-Кыя (65-100- чакырым) тоо жолдорунда кар көчкү түшүшү мүмкүн, тайгак жана тоңголок болот. Мындай жолдордо айдоочулар 500 метр аралыкты так сактоосу зарыл.

20-декабрда түнкүсүн Нарын менен Ысык-Көлдө айрым жерлерде кар жаайт. Жолдор тоңголок, тайгак болот. Тоо жолдордо кар көчкү коркунучу көбөйөт. Түндүк-батыштан соккон шамалдын ылдамдыгы секундасына 3-8, Ысык-Көл ойдуңунда 19-24 метрге чейин жетет.

Абанын температурасы:

Чүй облусунда түнкүсүн -25... -30 , күндүз -13... -18 градус, Талас облусунда түнкүсүн -21… -26, күндүз -10…-15 градус, Баткен облусунда түнкүсүн -8…-13, күндүз 0…-5 градус, Ош, Жалал-Абад облустарында түнкүсүн - 7... -12, күндүзү -0 ...-5 градус, Ысык-Көл облусунда түнкүсүн -10... -15, күндүз -1... -6 градус, Нарын облусунда түнкүсүн - 12... -17, күндүз -5... -10 градус болот.

20-декабрда Бишкекте кар жаабайт. Жолдор тоңголок, тайгак болот. Түндүк-батыштан соккон шамалдын ылдамдыгы секундасына 3-8 метрге жетет. Абанын температурасы түнкүсүн -21…-23 градус суук, күндүз -11…-13 градус болот. (EBM)

Азаттык Фейсбукта

XS
SM
MD
LG