АКШ президенти Барак Обама Гавайидеги майрамдык эс алуусун кыскартып, эмки жылдын бюджети боюнча мунаса табуу аракетинде Вашингтонго кайтып келүүдө. Президент “финансылык кыйроонун” алдын алуу үчүн Конгресс менен бир пикирге келүүгө тийиш. Обама менен Конгресстеги республикачылар мунаса таба албаса, январдан тарта автоматтык түрдө салыктар көтөрүлүп, өкмөттүк чыгымдар кыскартылат. Көпчүлүк эксперттер бул – АКШ экономикасын кайрадан рецессияга кептеп, дүйнөлүк экономикага залакасын тийгизет дешет.
