8-январдан 25-январга чейин Ош шаарында түштүктөгү үч облустун имамдары үчүн окуу курсу ачылат. Муфтий Рахматулла ажы Эгембердиевдин “Азаттыкка” билдиришинче, бул курстун алкагында имамдарга салттуу ислам жана шарият тууралуу маалымат берилет. Кыргызстан мусулмандар дин башкармалыгы Ислам академиясын ачууну да көздөөдө. Академия диний билим берүүнүн сапатын жакшыртуу багытында иш алып бармакчы. (ZB/KKs)
