Жогорку Кеңештеги “Ар-намыс” фракциясынын депутаты Дастан Бекешов парламент гимн тууралуу 27-декабрдагы токтомун кайра карап чыгуу менен айрым эксперттердин пикирин эске алуу тууралуу төрага Асылбек Жээнбековго кат жолдоду. Парламенттин токтомуна ылайык, гимндин экинчи куплети мындан кийин ырдалбайт. Экинчи куплеттеги “бейкут” деген сөз талаш-тартыш жараткан. Ушундан улам депутаттар экинчи куплетти толугу менен алып салууну чечкен. Коомчулукта азыр бул боюнча эки ача пикир айтылууда. (EBM)
