Линктер

жума, 9-декабрь, 2016 Бишкек убактысы 06:38

Кыргызстандын жети жүздөй вагону чек аранын эки тарабында турат


Бул тууралуу “Азаттыкка” “Кыргыз темир жолу” мамлекеттик ишканасынын башкы директору Аргынбек Малабаев билдирди. Анын айтымында, вагондордун 300дөйү Кыргызстан тарапта, 400дөйү Өзбекстан тарапта топтолгон. Кыргызстандан Өзбекстанга кетүүчү вагондордун 45инде жүк бар.

- Ал эми Өзбекстандан Кыргызстанга кире албай турган вагондордун ичинде курулуш материалдары бар. Экинчиден, Казакстан менен Орусиядан келип жаткан буудай, анан негизинен күйүүчү-майлоочу май. Өзбекстан тарапта турган вагондордун 170тейинде ГСМ бар.

Аргынбек Малабаев темир жолдогу өткөрмө бекеттердин алты күндөн бери жабык турушу саясий маселе экендигин кошумчалады. Өзбекстан темир-жолдогу төрт: Кызыл-Кыя, Кара-Суу, Жалал-Абад жана Шамалды-Сай өткөрмө бекеттерин апта башынан тарта жапкан.

Чек ара кызматы билдиргендей, алардын бири - Кара Суу бекетинин жабылышы техникалык себептерге байланыштуу деп чечмелеген. Калгандары боюнча түшүндүрмө берген эмес.

Темир жолдогу өткөрмө бекеттер буга чейин акыркы ирет, 2010-жылы түштүктөгү улут аралык жаңжал учурунда жабылган. (EBM/UE)

Азаттык Фейсбукта

XS
SM
MD
LG