Бен Аффлек Ирандагы барымта кризисин баяндаган “Арго” фильми үчүн “Американын режиссерлор гильдиясынын” жогорку сыйлыгын алды. Эми фильмдин Оскарды жеңүү шанстары көтөрүлөт деп күтүлүүдө. Аффлек анда америкалык элчиликте барымтачылардын колунда калган АКШнын 6 жаранын куткарууга аракеттенген ЦРУнун агентин ойнойт. “Арго” менен катар Оскардын фавориттери арасында Стивен Спилбергдин “Линколн” фильми аталууда. Сыйлык тапшыруу аземи Лос Анжелесте 24-февралда өтмөкчү.
