Ысык-Көл облусунун Түп районуна караштуу Түп айылында малдын кутурма оорусунун белгилери байкалды. Өзгөчө кырдаалдар министрлигинин маалымат кызматынын башчысы Абдишарип Бекиловдун айтымында, К.Сыдыкбеков деген тургундун кунаажыны кутурма болушу ыктымал делгендиктен малды союп, башын лабораторияга жөнөтүштү. Калган этин коопсуз жерге көмүштү. Эгер диагноз такталса, тиешелүү санитардык-эпидемиологиялык иштер жасалат. (RK)