Линктер

жума, 9-декабрь, 2016 Бишкек убактысы 17:46

Аба ырайы: шашылыш эскертүү


Кыргызстанда 25-февралдагы жаан-чачындан улам тоолуу райондордо, Бишкек – Ош (121-137 жана 198-265-чакырым), Каракол – Эңилчек (45-90-чакырым), Мырзаке – Кара-Кулжа – Алайкуу (45-90, 145-150-чакырым), Ала-Бука – Каныш-Кыя (62-100-чакырым) тоо жолдорунда кар көчкү түшүшү мүмкүн, тайгак жана тоңголок болот. Мындай жолдордо айдоочулар 500 метр аралыкты так сактоосу зарыл.

26-февралда айрым жерлерде кар жаайт. Чүй, Талас, Ош, Жалал-Абад жана Баткен облустарынын кээ бир жерлерин туман каптайт. Жолдор тоңголок, тайгак болот. Батыштан соккон шамалдын ылдамдыгы секундасына 4-9, ал эми Ысык-Көл ойдуңунда метрге 15-20 метрге чейин жетет.

Абанын температурасы:

Чүй облусунда түнкүсүн 0... -5, күндүз +1... +6 градус, Талас облусунда түнкүсүн -1… -6, күндүз 0…+5 градус, Баткен облусунда түнкүсүн -4…+1, күндүз +5…+10 градус, Ош, Жалал-Абад облустарында түнкүсүн -1... +4, күндүз +5 ...+10 градус, Ысык-Көл облусунда түнкүсүн -1... -6, күндүз 0... +5 градус, Нарын облусунда түнкүсүн -7... -12, күндүз -1... -8 градус болот.

Бишкекте 26-февралда кар жаашы ыктымал. Батыштан соккон шамалдын ылдамдыгы секундасына 4-9 метрге жетет. Абанын температурасы түнкүсүн -2…-4 градус, күндүз +3…+5 градус болот. (EBM)

Азаттык Фейсбукта

XS
SM
MD
LG