Ирандын маалымат каражаттары жекшембиде өлкөнүн түштүк тарабындагы жардырууда бир канча киши жарадар болгонун кабарлады. ИРНА агенттиги бир нече автоунаа талкаланып, имараттардын айнектери сынганын жазып, бирок окуянын себебин айткан жок. Жардыруу кара майга бай Хузестан провинциясында Ирандагы эң чоң терминалдардын бири - Имам Хомейни атандагы портто болгон. Бул порт аркылуу Иран башка өлкөлөр менен соода-сатык жүргүзөт. Хузестан провинциясында болсо Иран өкмөтүнөн көбүрөөк укуктарды талап кылган араб улутундагылар жашайт.
