Линктер

ишемби, 10-декабрь, 2016 Бишкек убактысы 05:51

Күрт согушкерлери түрктөрдү барымтадан бошотту


Мамлекеттик “Анадолу” жаңылыктар агенттигинин кабарына караганда, Күрт жумушчу партиясы – ПКК бошоткон сегиз түрк акыркы эки жылда алар тарабынан Түндүк Иракта барымтада кармалып турган. Эркиндикке чыккандардын алтоосу аскер, бирөөсү полицей, бирөөсү жергиликтүү бийлик өкүлү. Түрк өкмөтүнүн вице-премьер министри Бешир Аталай окуяны “жакшы санаалаштыктын жышааны" деп атады.

Кабарларга караганда, барымтадагылар күрттөрдүн абактагы лидери Абдулла Өжаландын өтүнүчүнөн кийин бошотулушкан. Бул - ошондой эле Түркиянын азыркы өкмөтүнүн ПКК баштаган күрт козголоңчулары менен тынчтыкка жетүү аракетинин алкагындагы иш.

ПККны Түркия жана эл аралык коомчулуктун басымдуу бөлүгү террорчул уюм катары санайт. Алардын 1984-жылдан берки куралдуу козголоңу учурунда 30 миңдей кишинин өмүрү кыйылган. (UE)

Азаттык Фейсбукта

XS
SM
MD
LG