Линктер

шаршемби, 7-декабрь, 2016 Бишкек убактысы 14:41
Бишкектеги Дөлөн Өмүрзаков атындагы стадиондо Азия футбол Конфедерациясынын чакырыгы кубогу үчүн футболдук мелдеште Кыргызстандын курама командасы Макаонун курама командасын 1:0 эсебинде утуп алды. Оюндун биринчи таймында 45-мүнөттө кыргызстандык футболчу Дэвид Тетте өзгөчөлөнүп, макаолуктардын дарбазасына гол киргизди.

Азия футбол Конфедерациясынын чакырыгы кубогу үчүн мелдештин В тобундагы тандап алуу оюндары бүгүн Бишкекте башталды. Бул мелдештин В тобунда Кыргызстан, Пакистан, Макао жана Тажикстандын курама командалары бар. Түшкө чейин Тажикстан менен Пакистан курама командалары беттешип, тажикстандыктар 1-0 эсебинде жеңишке жетишти. Мелдеш 21-мартка чейин уланат. Азия футбол Конфедерациясынын чакырыгы кубогу 2006-жылдан бери футбол анча өнүкпөгөн өлкөлөр арасында уюштурулуп келет. Бул кубокко ээ болгон команда Азия кубогу үчүн оюндарга катышуу укугуна ээ болот. (BkA)

Азаттык Фейсбукта

XS
SM
MD
LG