Индонезиянын жеке менчик Lion Air авиакомпаниясы Европанын Airbus концернинен кыска каттамдарга каттачу 234 учак сатып алат. 18, 4 млрд евролук (24 млн доллар) келишимге дүйшөмбү күнү Парижде Франция президентинин сарайында кол коюлду. Биринчи учак 2014-жылы даяр болот. 2011-жылы Lion Air АКШнын Boeing компаниясы менен 230 даана Boeing 737 сатып алуу жөнүндө 22, 4 млрд долларлык келишим түзгөн. Lion Air 1999-жылы эми түзүлгөндө 1 гана пассажирлик учагы болсо, азыр 94 аба лайнерине ээ. АКШ жана Евробиримдик учуу коопсуздугуна шилтеп, индонезиялык жеке менчик компаниянын учактарына тыйуу салып койгон.
