Сирия Ливан менен чек аралаш аймактарды бомбалап жатат

Ливандын маалымат каражаттары Сириянын учактары өлкөдөгү чек аралаш аймактарды бомбалап жатканын билдиришти. Бул өлкөнүн мамлекеттик маалымат агенттиги дүйшөмбүдө Арсал шаарынынын жанында асмандан өтө катуу чабуулдар болгонун жазып чыкты. Азырынча каза болгон жана жабыркагандар тууралуу айтыла элек. АКШ Мамлекеттик департаменти Сириянын бул аракетин сындап чыкты.

Буга чейин Дамаск Ливан тараптан көп сандагы согушчандар кирип жатат деп доомат айтып, аларды токтотуу аракетин көрөөрүн эскерткен болчу.