Линктер

logo-print
ишемби, 03-декабрь, 2016 Бишкек убактысы 22:01

Шамалды-Сайда жашыруун уюмдун адабияттары алынды


Жалал-Абад облусунун Шамалды-Сай шаарчасынын кырк жаштагы тургуну өз ыктыяры менен “Хизб-ут Тахрир” уюмуна тиешелүү жети китеп, эки баракча менен төрт дептерди жана эки компакт-дискти милицияга өткөрүп берди. Бул айым Кыргызстанда тыюу салынган партияга мурда күйөөсүнүн жетеги менен киргенин, күйөөсү көз жумгандан кийин “Хизб-ут Тахрир” уюмунун мүчөлүгүнөн чыккандыгын Жалал-Абад облустук ички иштер башкармасынын маалымат катчысы Жылдызбек Аттокуров бүгүн кабарлады. Анын айтымында, Таш-Көмүр шаардык ички иштер бөлүмү мындан эки күн мурун Шамалды-Сай шаарчасында ыкчам изилдөө иштерин жүргүзүшкөн. Мындан мурда “Хизб-ут Тахрир” партиясынын катарынан чыккандыгы тууралуу Сузактын Барпы айыл өкмөтүнүн 50 жаштагы тургуну билдирген маек курган. Улуттук коопсуздук кызматынын облустук башкармасы берген маалыматта облуста жашыруун уюмдун 2300дөй мүчөсү жана жактоочусу бар. (YA)

Азаттык Фейсбукта

XS
SM
MD
LG