Ак үйдүн маалымдашынча, визит АКШ жөөт мамлекетинин коопсуздугуна кепил өтөрүн дагы бир ирет тастыктоону көздөйт. Барак Обманын бүгүн Израил президенти Шимон Перес жана кайра шайланган премьер-министр Бинямин Нетаняху менен болчу кездешүүсүндө Ирандын ядролук программасы, Сириядагы согуш, Египеттеги коогалаңдар талкууланат деп болжолдонууда. АКШлык ырасмий адамдардын айтымында, Палестин-Израил сүйлөшүүлөрүндө чоң жылыштар болору күмөндүү, бирок Обама жана Мамкатчы Жон Керри жаңы сунуштарды ортого салат. Барак Обама төрт күндүк сапар учурунда Палестин автономиясынын президенти Махмуд Аббас, Иордания падышасы Абдулла менен да кездешет.
