Линктер

бейшемби, 8-декабрь, 2016 Бишкек убактысы 13:56

Кыргызстандык акынга эл аралык адабий сыйлык ыйгарылды


Кыргызстандык акын Вячеслав Шаповалов Орусиядагы "Русская премия" эл аралык сыйлыгына татыды. Бул тууралуу Кыргызстандын Орусиядагы элчилигинен кабарлашты. Маалыматка ылайык, Шаповаловдун «Евроазис» аттуу ыр жыйнагы сыйлыктын поэзия номинациясында мыкты чыгарма деп таанылган. Сыйлыкты тапшыруу аземи 25-апрелде Москвада өтөт.

"Русская премия" бул орус тилинде жазган орусиялык эмес жазуучуларга бериле турган сыйлык. Ал дүйнөдөгү орус тилдүү акын-жазуучуларды колдоо максатында 2005-жылдан бери уюштурулуп келет. Буга чейин кыргызстандык жазуучу Талип Ибраимовдун “Чал жана периште” аттуу повести "Русская премия" сыйлыгын алган. (BkA)

Азаттык Фейсбукта

XS
SM
MD
LG