Активисттер Беларус элчилигин жабууну талап кылат

Бүгүн Бишкекте Беларус элчилигин жабууну, эки өлкөнүн дипломатиялык кызматташуусун токтотууну талап кылган акция өтөт. Бул тууралуу укук коргоочу Өндүрүш Токтонасыров “Азаттыкка” билдирди. Анын айтымында, беларус бийлиги апрель окуялары боюнча айыпталган мурунку президент Курманбек Бакиевди өткөрүүдөн баш тартып, айрым билдирүүлөрү менен өлкөнүн ички саясатына кийлигишип жатат.

Токтонасыров буга чейин мындай бир топ акцияларды өткөргөн. Соңку акцияда элчиликтин алдында беларус президенти Александр Лукашенконун сүрөтүн өрттөгөн болчу. (EBM)