Линктер

жекшемби, 11-декабрь, 2016 Бишкек убактысы 08:52

Дүйнөдө эркин басма сөз күнүнүн юбилейлик 20 жылдыгы белгиленүүдө


Бул күн Улуттар Уюмунун Башкы ассамблеясы тарабынан адамдын фундаменталдык укугу - сөз эркиндигин даңазалоого жана аны коргоо максатында 1993-жылдан тарта белгилене баштаган. Аталган уюмдун баш катчысы Пан Ки-Мун бейшембиде Нью-Йорктогу маалымат жыйында дүйнөнүн ар кай тарабында журналисттерди кол салуулардан коргоо үчүн Улуттар Уюмунун жетекчилиги алдында эл аралык кызматташтыкты күчөтүүнүн зарылчылыгын белгиледи:

- Бардык журналисттер, бардык медиа өз ишин аткарууга мүмкүнчүлүк болуусу керек. Ким болбосун коркпой үн катса, мунун пайдасы бүткүл дүйнөгө тийет.

Баш катчы Пан Ки-Мун демократияны өнүктүрүүдө басма сөз эркиндиги менен адам укуктарынын ролун баса белгиледи.

Нью-Йоркто жайгашкан Журналисттерди коргоо уюму глобалдык тизмесин чыгарып, анда журналисттер кызмат ордунда каза тапкан же мыкаачылык менен өлтүрүлгөн өлкөлөрдүн тизмесин жарыялады. 2013-жылы журналисттерге кол салгандар жазыксыз калган өлкөлөрдүн сап башында Ирак, ага удаа Самолия, Филиппин, Шри-Ланка, Колумбия, Ооганстан, Мексика, Пакистан, Орусия жана Бразилия турат.

Лондондогу Amnesty International уюмунун бүгүн чыккан жаңы баяндамасында болсо сириялык козголоңчулар менен саясий бийлик журналисттердин өлүмүнө, камалышына жана кыйноолорго дуушар болуп жатканына бирдей жоопкерчиликтүү деп белгиленет.

Азаттык Фейсбукта

XS
SM
MD
LG