Бүгүн Ош шаардык мэриясы жыйын курду. Анда жер тилкелерин берүү маселелери талкууланды. Мэр Мелис Мырзакматов шаардык архитектура жана курулуш башкармалыгына доомат көп экенин белгилеп, кадрдык жана системалык өзгөрүүлөр керектигин айтты. Ош шаардык кеңештин депутаттарына унаа жуучу жай үчүн жер берүүгө мораторий жарыялоону сунуштады. Учурда шаарда 67 унаа жуучу жай бар. Мындай жайлар менен кафе-ресторандар жыш жайгашкан райондордо суу тартыш жана жол тыгын көп болот. Бул тууралуу Ош шаардык мэриясы кабарлады. (EBM)
