Линктер

logo-print
дүйшөмбү, 05-декабрь, 2016 Бишкек убактысы 16:43

Керри жана Лавров Сирия маселесин сүйлөшөт


АКШ жана Орусиянын тышкы иштер министрлери: Жон Керри менен Сергей Лавров бүгүн Парижде кездешип, Сирия боюнча тынчтык конференциясынын келечегин талкуулашат.

Жекшемби күнү Сириянын тышкы иштер министри Валид-ал-Муаллем анын өкмөтү эл аралык сүйлөшүүгө катышканга “негизинен” даяр экенин билдирди. Оппозициядагы Сирия улуттук коалициясынын өкүлү Луэй Сафи 26-майда Стамбулда "албетте, сиздерге маалым, биз Женевадагы жыйынга катышканга принцибинде макулбуз. Сирия режиминин, Асаддын режиминин максаты жана ниети тууралуу дагы да ачык-айкын сөздөрдү уккубуз келет. Буга чейинки сигналдар позитивдүү эмес болчу" -деп билдирди.

Сирия оппозициясынын исламчыл канаты Асаддын өкмөтү менен сүйлөшүүгө макул болбой жатат. Ирандын сүйлөшүүгө катышканына Франция каршы чыгууда. Ливан шииттери-"Хезболла" уюмунун согушчандарынын Асадга ыктаганы жагдайды ого бетер татаалдантууда.

Евробиримдиктин тышкы иштер министрлери бүгүн Сирия оппозициясына көмөктөшүү жагын талкуулашат.

Азаттык Фейсбукта

XS
SM
MD
LG