Президент Алмазбек Атамбаев Казакстанга иш сапары менен барат

Кыргызстандын лидери Алмазбек Атамбаев казак президенти Нурсултан Назарбаевдин чакыруусу менен Астанага барат. Бул тууралуу президенттин маалымат кызматы маалымдады. Иш сапары учурунда интеграциялык жараяндардын жүрүшү талкууланат. Андан тышкары президент Алмазбек Атамбаев бүгүн Астанада Бажы биримдигине кирген өлкө башчыларынын жыйынына Кыргызстан менен Украинага байкоочу макамын берүү маселесин кароо учурунда катышары айтылууда.

Расмий маалыматтар боюнча Кыргызстан байкоочу макамын Бажы биримдигине киргенге чейин алып турууну көздөйт. (ZKo)