Линктер

logo-print
жекшемби, 04-декабрь, 2016 Бишкек убактысы 04:27

Чукул эскертүү: сел жүрүшү мүмкүн


3-5-июнда күтүлүп жаткан жаан-чачынга байланыштуу республиканын тоо этектеринде жана тоолуу райондорунда сел жүрүүсү мүмкүн, суунун деңгээли көтөрүлүүсү күтүлөт.

Синоптиктердин маалымдоосу боюнча, 4-июнда түнкүсүн өлкөнүн айрым жерлеринде, күндүз көпчүлүк аймактарда жаан жаап, айрым аймактарда күн күркүрөйт. Батыштан соккон желдин ылдамдыгы секундуна 4-9 мерден 14 метрге чейин жетет.

Абанын температурасы:
Чүй облусунда түнкүсүн 11...16, күндүзү 21...26 градуска чейин ысыйт. Таласта түнкүсүн 10...15, күндүзү 20...25 градуска чейин көтөрүлөт. Баткен, Жалал-Абад, Ош облустарында түнкүсүн 9...16, күндүзү 21...28 градуска жетет. Ысык-Көл ойдуңунда түнкүсүн 6...11, күндүзү 16...21 градус ысыйт. Тоолуу Нарында түнкүсүн 5...10, күндүзү 18...23 градус ысык болот. Суусамыр жайлоосунда түнкүсүн -2...+3, күндүзү 13...18 градус жылыйт. Тоолордо түнкүсүн 0...-5 градуска чейин муздап, күндүзү 2...7 градуска чейин жылыйт.

Бишкек шаарында ала булут каптап турат, түнкүсүн жаан-чачын күтүлбөйт. Күндүз жаан жаап, күн күркүрөөсү ыктымал. Батыштан соккон шамалдын ылдамдыгы 4-9 метр. Абанын температурасы түнкүсүн 12...14, күндүзү 24...26 градус ысык болот.

Азаттык Фейсбукта

XS
SM
MD
LG