Акыйкатчы парламентке отчет берет

Акыйкатчы Турсунбек Акун бүгүн Жогорку Кеңештин депутаттарына былтыр жасалган иштер тууралуу отчет берет. Бул тууралуу Жогорку Кеңештин маалымат кызматы кабарлады.

Өткөн аптада парламент депутаттары Турсунбек Акундун ишмердүүлүгүн текшерүү боюнча комиссия түзгөн. Жогорку Кеңеш акыйкатчыны "мыйзамдагы ууру" саналган Азиз Батукаевдин абактан эртелей бошоп кетишине тиешеси бар деп кызматтан алууну сунуштаган. Акун өзүнө коюлган дооматты четке кагып, аны кызматтан алуу тууралуу мыйзамсыз чечим кабыл алынганын билдирген.(BkA)