Путин жаңы партиянын башчылыгына шайланды

Бийликтеги Бирдиктүү Орусия партиясы жетектеген Бүткүл Орусиялык Элдик Майдан уюму бүгүн өзүн өз алдынча саясий кыймыл болгондугун жарыялады.

Элдик майдандын башатында турган президент Владимир Путин уюмдун курултайына катышып, анын жетекчиси болуп шайланды. Жыйында уюм өз аталышын Орусиянын Элдик Майданы – Коомдук кыймыл деп алмаштырды. Курултайда ошондой эле жаңы устав кабыл алынып, Орусиянын бардык аймактарында бөлүм ачуу макулдашылды.