Бириккен Улуттар Уюмунун аялдар, азык-түлүк, айыл чарба багытында иш алып барган программалары Кыргызстандын айылдарында жашаган аялдарга жардам берет. Бул багыттагы глобалдык программаны ишке ашыруу маселеси кечээ Астанада кыргыз элчилигинде өткөн жолугушууда талкууланды. Элчи Эсенгул Өмүралиев аталган программалардын Астанада иштеген өкүлдөрү менен жолукту. Айыл жергесинде жашаган аялдардын жергиликтүү жана борбордук деңгээлде чечим кабыл алууга активдүү катышуусун, айыл тургундарынын азык-түлүк коопсуздугун камсыз кылуу тууралуу сөз болду. (RK)
