Малайзиянын түштүгүндө коңшу Индонезиядагы өрттөн улам абанын булгануусу өтө жогорулагандыктан, чукул кырдаал киргизилди. Түтүн Сингапурга дагы жетип, тышта өткөн иш-чаралар токтотулду. Абанын булгануу көрсөткүчү (API) айрым райондордо 750 бирдиктен өткөнү такталды, бул көрсөткүч 300дөн ашса адам өмүрүнө кооптуу деп саналат. Түтүндүн кесепетинен океандын жээгиндеги өлкөлөрдүн туризм тармагы тогуз миллиард долларга чейин чыгым тартышы мүмкүн деп эсептелүүдө.
