Кытайдын коргоо министри Кыргызстандын элиталык аскердик бөлүгүндө болду

Кытайдын коргоо министри Чан Ванцюан кыргыз армиясынын алдыңкыларынын бири деп эсептелген "Скорпион" аскердик бөлүгүндө болду. Коргоо министрлигинен кабарлашкандай, ал аскерлердин жатаканасын, уктоочу жайын, ашканасын, медициналык пунктун кыдырып чыкты.

Чан Ванцюан Бишкекке кечээ Шанхай Кызматташтык Уюмунун коргоо министрлеринин жыйынына катышуу үчүн келген. 25-июнда кытай өкмөтүнүн атынан Кыргызстанга кезектеги аскердик-техникалык жардам тапшырылган болчу. (RK)