Кошмо Штатардын деңиз-аскер күчтөрү тараткан билдирүүдө Х-47В деген учуучу аппарат Атлантика океанындагы George H.W. Bush атындагы кемеге ийгилктүү конгону кабарланат. Northtrop Grumman компаниясы чыгарган Х-47В аппараты стелс-технологиянын жардамы менен түзүлгөн жана заманбап аскерий учактардай функцияны аткарат. Кеменин бортунда туруп, атайын опреацияларды жүргүзүүгө, чалгындоо иштери менен каршылашка сокку урууга жөндөмдүү. Аппарат төрт миң чакырым алыска учуп, 12 миң метрге чейин асманга көтөрүлө алат.
