Премьер-министр Дмитрий Медведев Орусиянын ядролук изилдөөлөр борборунун кызматкерлерин мурдагы Советтер Союзунда биринчи термоядролук бомбанын сыналышы менен куттуктады. Нижний Новгород облусундагы Сарово борборуна жөнөткөн куттуктоосунда Медведев термоядролук бомбанын жаралышы улуттук коопсуздукту камсыздоонун эффективдүү куралы болгондон башка “глобалдык ядролук коргонуу системасын куруудагы маанилүү белес болгону жана бүгүн ааламдагы тынчтыкты бекем камсыздап турганын” белгилейт.
Советтер Союзу биринчи атомдук бомбаны 1949-жылы 29-августта сыноодон өткөргөн. Ал эми биринчи термоядролук бомба 1953-жылы Казакстандын Семипалатинск полигонунда сыналган.
Советтер Союзу биринчи атомдук бомбаны 1949-жылы 29-августта сыноодон өткөргөн. Ал эми биринчи термоядролук бомба 1953-жылы Казакстандын Семипалатинск полигонунда сыналган.
